Merry

Mana Merry feto ativista ida, nia hela iha Munisipiu Ermera, nia halao kna’ar hanesan Profesora iha EBC 20 de Setembro Hatolia. alende ne nia mos servisu hamutuk ho FOKUPERS sai hanesan focal points ba aktividades social audit, hodi halao programa monitorizasaun ba infrastrutura bazika be’e mos no saneamentu.

Durante nee aktividades nebe mak Mana Merry halao hetan suporta maximu husi NGO FOKUPERS ne’ebe maka kolabora hodi servisu hamutuk. Nune’e mos mana Merry la halao mesak maibe servisu hamutuk ho director da eskola, nia kolega professores iha eskola, no mos estudante sira e liu-liu komunidade ne’ebe mak hela besik ba iha eskola refere. Mana Merry rasik hetan mos apoio Maximu husi nia familia liu-liu nia mama.

Iha difikuldades ne’ebe mak Mana Merry hasoru iha nia eskola mak falta de be’e mo’o ka eskola kona ba sentina ne’e suficiente tamba be’e iha eskola canalizasaun be’e mos, laos Mana Merry mesak mak hasoru maibe nia eskola hasoru.

Alende nee durante difikudade sira ne’ebe mak Mana Merry hetan laos para deit iha ne’e, nia tenki foti desizaun ruma para atu bele rezolve diak liu tan difikuldade sira ne’e. ho ida ne’e tamba difikuldades ne’ebe nia hasoru mak servisu ne’ebe fiziku ne’ebe todan , ne’ebe nia hanesan feto labele servsu maibe nia nafatin fo’o nia ideias no hanoin ba nia kolega professores sira seluk hodi bele organiza , alunos sira para servisu hamutuk, entaun liu husi desizaun ne’ebe maka sira foti hamutuk entre eskola, halao enkontru entre, Director da eskola, Mana Merry mos fo nia ideia balu ba profesores sira ka director sira atu hasai alunos sira nain sanulu ho professor nain rua ba hadia be’e mos iha be’e matan no mos dada be’e ba iha escola, difikuldades ne’ebe mak nia hetan, hetan ona nia rezolve husi servisu hamutuk entre kolaborasaun hamutuk entre professores no mos ho komunidades sira ne’ebe mak hela besik iha be’e matan.

Tuir Mana Merry nia hanoin igualidade nee inportante, aktivista importante tebes iha Timor-Leste, ne’ebe mak ema dehan Nasaun Demokrasia feto mos avansa sai ho mane hanesan, laos atu dehan katak feto iha numero Segundo maibe feto mos ohin loron sai ona numero primeiro iha ona mane nia sorin, para atu bele servisu hamutuk ho mane sira. ida ne’e mak atu dehan katak igualdade jeneru ba feto sira iha Timor-Leste. Tamba hasae qualidade feto, iha parte edukasaun, saude, parte Governu nian. Mana Merry senti orgulho tebes ho apoio nebe nia hetan.

Mana Merry nia mensajem foinsae sira iha Nasaun Timor-Leste liu-liu ba feto sira katak: hanesan feto, servisu ou kna’ar ne’ebe mak hanesan aktivista feto laos ninia aktividades barak deit hanesan servisu iha dapur, maibe feto mos brani par atu sai hanesan herois, asesu ba iha informasaun iha fatin ne’ebe deit , rekolha informsaun. Liu-liu informasaun ne’ebe dezemvolve ba Nasaun nian, entaun feto mos pronto para atu servisu iha baze, iha foho, iha cidade, hanesan aktivista, liu-liu ba joventude feto sira iha Timor-Leste. Atu fo hanoin katak labele lakon ita ninia kna’ar hanesan feto maibe ita mos servisu luta makas, atu nune’e ita nia edukasaun ne’ebe mak ita hetan sei sai hanesan ezemplu diak ida ba feto maluk sira seluk. Ezemplu hanesan primeira dama dona Isabel,dona cristy shor gusmao no seluk tan.

Maluk feto sira labele lakon imi nia oportunidade, mai ita hamutuk luta maka’as hodi kontra dezigualdade ba mane sira.