Tiu Albino ho idade (68), ho nia kaben Ermelinda (65), ho oan na’in 5, husi Rejiaun Espesial Oe-Cusse-Ambeno. Molok Albino ho nia kaben involve iha Projetu EU POWER, loron-loron Albino fa’an bua ho malus no loke Kios fa’an masin-midar ho kafé. Rendementu husi ne’e, sira uza selu nia-oan sira nia eskola, no sosa nesesidade uma-laran no nia laiha koñesimentu oinsa atu jere osan.
“Uluk hau nia moris susar tebes, ha’u faan de’it, Bua ho malus, no loke kios ki’ikoan fa’an netik masin-midar ho kafé. Rendementu husi ida ne’e, uza hodi selu hau nia-oan na’in 5 ninia eskola, no sosa hahan ba ami han. Maske iha kios, maibé ha’u laiha koñesimentu oinsa jere osan.”’
Maibé, iha Fevereiru 2024, wainhira Albino tuir treinamentu kona-ba, Kuida Família, Abilidade Moris no Jestaun Finanseiru, ne’ebé fasilita husi FEEO. Ninia moris hahú iha mudansa, nia kontinua loke luan nia kios, iha sorin seluk, nia mós ba sosa fali animal hanesan; Manu, Fahi, no Bibi iha foho hodi fa’an iha Merkadu.
“Hau nia rendimentu aumenta liu tan, hafoin hetan treinamentu kona-ba Rai no Empresta ka Saving for transformation (SAT) ne’ebé fasilita husi FEEO iha RAEOA.”
Tiu Albino ho nia kolega sira, hafoin de tuir treinamentu, sira loke grupu ida ho naran, Naleok-Neokit ho membru hamutuk 28, Feto 19 mane 9. harii grupu ne’e, ho objetivu, atu membru sira tau osan hamutuk, nune’e, hafasil maluk balun bele empresta osan husi grupu ne’e, para bele ajuda sira nia nesesidade uma laran.
Tiu Albino sente kontente no agradese ba Uniaun Europeia ne’ebé apoiu ona fundus ba projetu POWER, ne’ebé fasilita treinamentu husi FEEO. Agradese mós ba World Vision iha Timor-Leste, Fokupers no FEEO ne’ebé servisu konsoriu hodi apoiu ona treinamentu sira ne’e.
“Hau kontenti los, hetan oportunidade tuir treinamentu sira ne’ebé fasilita husi FEEO, liuhusi treinamentu ne’e mak, hau iha koñesimentu oinsa Jere osan, bainhira empresta osan, hau buka hatene ona nia funan, treinamentu ne’e ajuda tebes hau, fasil loos hau bele hetan osan funan lalais.”
“Hau agradese ba Uniaun Europeia ne’ebé apoiu projetu EU Power, nomós ba World Vision iha Timor-Leste, Fokupers no FEEO, ne’ebé servisu hamutuk hodi to’o iha ami nia suku, hodi fó treinamentu sira. Sé projetu POWER ne’e mak laiha karik, lahatene los hau nia moris karik aat loos, tanba hau la hatene jere osan,” nia hakotu.
Tiu Albino nia istória brillante tebes. Agora, nia pozisaun mak finansas ba grupu Naleok-Neokit, nia mós fahe ninia matenek ba komunidade no ajuda feto-mane seluk atu tuir nia dalan.
“Uluk, wainhira ha’u seidauk tuir treinamentu, hau nia servisu lor-loron mak, tein etu, fase bikan-kanuru, fase roupa no kuda liis, inklui fa’an sasan iha merkadu. Hau só fa’an hetan netik osan hodi sosa fali foos, kafé masin-midar, maibe lahatene oinsa atu jere osan ho di’ak.
“Iha fulan Fevereiru 2024, bainhira ha’u ho hau nia laen, ba tuir treinamentu ne’ebé fasilita husi FEEO, ami aprende kona-ba, Kuida Família, Abilidade Moris no Jestaun Finanseiru, husi ne’e loke hau nia hanoin, hau iha ona koñesimentu, oinsa feto ho mane ajuda malu halo servisu, no jere osan ho di’ak. Hau mós tama hotu grupu Naleok-Neokit, no agora hau fa’an liis ho presu $ 25.00 kada saku, ami rua tau ona osan funan $75.00.”
“Hau nia oan feto na’in 2, ida eskola iha Eskola Pre-sekundaria (SMP) Kafé klase 3, no ida seluk hola tiha ona mane. Hau nia-oan mane ida eskola iha universidade. Ami na’in rua ha’u nia kaben esforsu-an nafatin, buka osan hodi selu sira nia-eskola, liuhusi fa’an liis, bua-malus, Manu, Fahi, no Bibi iha foho hodi fa’an iha merkadu hodi sustenta moris.”
“Hau agradese no obrigadu wa’in ba doadór Uniaun Europeia ne’ebé apoiu ona fundus ba treinamentu, hodi bele ajuda hasa’e ami nia koñesimentu, no obrigadu mós ba Word Vision Timor-Leste, Fokupers no FEEO ne’ebé sempre fasilita treinamentu sira ho di’ak.”
Nia mós husik hela ninia mensajen ba maluk feto sira iha RAEOA
“Ha’u husu ba feto maluk sira iha RAEOA, no iha Timor laran tomak, katak labele baruk atu aprende, ita feto la’os de’it servisu iha dapur, Ita presiza halo mudansa ba ita-nia moris liuhusi partisipa atividade sira, labele moe. Mane-feto suporta malu ne’e importante tebes, tanba se Feto forte, Família Forte, Komunidaade forte no nasaun forte!
Projetu POWER finansia hosi Uniaun Europeia (UE) no implementa husi World Vision, FOKUPERS no FEEO, iha RAEOA no Covalima, hodi apoia Promove Feto Liuhusi Empoderamentu Ekonómia no Direitu.
Atu hatene liután kona-ba Fokupers nia Servisu sira, vizita mós ami nia Page Facebook Fokupers Timor.
@União Europeia em Timor-Leste @World Vision Timor-Leste
#EmpoweringWomen #Entrepreneurship #Oecusse #WorldVision #EU #EconomicEmpowerment #FEEO
