ANA-PAULA DE JESUS DA SILVA: FETO FORTE NE’EBE KONTINUA APRENDE

Ana Paula de Jesus da Silva husi Aldeia Mertuku, Ermera, sobrevivente husi Violensia Bazeia ba Jeneru.

Ami hasoru ho nia iha Fulan Septembru 2020, bainhira ami halo peskiza ida kona ba Market scan husi Programa Reforsa Hamutuk. Iha oportunidade bo’ot ida ne’e nia fahe nia esperiensia no esperansas hodi hakarak aprende nafatin.

Uluk hau moris hamutuk ho hau nia inan amam no alin sira iha Mertuku agora hau hela ho hau nia tia iha Dili no eskola iha Universidade. Hau nia inan amam fo apoiu osan bah au nia tia hodi suporta hau nia moris. Bainhira husu kona ba nia aktividades seluk ne’ebe nia halo alem de estuda mana Ana Paula hato’o katak hamutuk ho nia tia fa’an dose donat iha oras dader.

“Hau nia tia halo donat hodi fa’an. Hau nia tia uza nia lukru husi fa’an donat hodi ajuda selu hau nia eskola nia nesesidades”.

Wainhira husu kona ba dezafius ne’ebe hasoru hodi tetu kona ba estudus no negosiu ne’ebe halao, mana Ana Paula hato’o katak susar atu fa’an donats sira tamba feto barak mos iha negosiu ne’ebe hanesan. Hau hakarak hahu fali hau nia negosiu hodi fa’an obralan iha hau nia tia nia uma, tamba hau tenki ba eskola, hau nia tempu limitadu atu hahu nia negosiu ne’e. Hau mos laiha osan atu sosa pakote obralan ne’e.

Maske hasoru desafiu, Mana Ana Paula sei iha esperansa iha future ida ne’ebe diak.

 Apoiu finansial husi União Europia, projetu ne’e ho objetivu hodi promove inkulzaun social hodi  hakbi’it ekonomia feto sobrvivente no vitima sira husi violensia iha Timor-Leste, hametin relasaun servisu ho parseirus importantes iha Governo no emprezas hodi fornese treinamentu no formasaun.