Fokupers halo sosializasaun VBJ ba Congregação Imitação de Jesus (CIJ) iha Manufahi

Foto hamutuk partisipantes ho fasilitadóra

Manufahi, 22 Outubru 2024; Fokupers halo Sosializasaun Violénsia Bazeia ba Jéneru (VBJ), Sistema Rede Referal no mós  Enkuadramentu Legál ba Congregação Imitação de Jesus (CIJ)  iha Munisipiu Manufahi, Postu Administrativu Same.

Objetivu husi sosializasaun ne’e mak, Haforsa parseria servisu ho komunidade Intstituisaun relijioza no komunidade sira iha fatin ne’ebé sai tarjetu ba aktividade hodi hasa’e konsiensia, ba komunidade no identidade hotu ne’ebé involve iha atividade Fokupers,  atu iha konsiensia  hodi sai autór no iha  responsabilidade mazimu ba prevensaun  violénsia hasoru feto no labarik.

Fokupers kontinua hala’o sosializasaun ba komunidade ba importansia hodi hasa’e ema individu, familia no komunidade kona-ba informasaun sira hanesan VBJ, sistema Rede Referal no sira seluk atu familia, komunidade sira sai hanesan autór ba prevensaun violénsia hasoru feto no labarik feto, ne’ebé ita haree katak, Timor-Leste numeru violénsia hasoru feto no labarik feto aas tebes.

Ema barak mós seidauk kompriende kona-ba aktus violénsia hasoru feto liu-liu violénsia seksual, asédiu seksuál, tamba ema sei konsidera ne’e hanesan MOE/TABU atu publika ba ema hotu atu hatene.

Razaun hirak ne’e maka Fokupers kontinua fahe informasaun, halo diskusaun, fasilita treinamentus atu ema hotu bele iha ona kompriensaun ne’ebé kle’an hodi halo prevensaun no asegura feto no labarik feto husi VBJ. 

Atividadade ne’e, hetan partisipasaun masimu  husi  Meninas & Meninos Orfonatos no Madre sira husi CIJ hamutuk ema na’in 25 (Feto=20 Mane=5).

Atividade Sosializasaun ne’e, hetan apoiu fundus husi Misereor.