Fokupers realiza diskusaun Fen-Laen iha Manufahi

Foto Diskusaun Fen-Laen ne’ebé fasilita husi Fasilitadór, Sr. Silveiro da Silva de Araujo

Manufahi, loron 09 Agostu 2024: Fokupers realiza  sorumutu ho Fen-Laen hodi haree ba problemas, difikuldades  ne’ebé sira hasoru liuliu komprensaun sira nian ba fahe knár ne’ebé  hanesan iha uma laran no risku Violénsia Bajeia ba Jéneru (VBJ).  Sorumutuk ne’e, realiza iha Suku Letefoho, Postu-administrativu Same, Munisipiu Manufahi.

Objetivu husi atividade maka, familia nu’udar exemplar iha moris armonia, iha komunikasaun saudavel no mós sai autór ba Prevensaun Violénsia Bajeia ba Jéneru (VBJ) no kria igualdade ne’ebé hanesan iha familia nia laran atú Promove pas no estabilidade iha familia hahú husi Fen-Laen.

Liu husi diskusaun ne’e lori sira atu kompriende, kria komunikasaun entre familia ho saudavel, no oinsa respeita hodi valorize prinsipiu  igualdade iha familia nia laran.

Iha diskusaun ne’e, partisipantes sira ativu tebes, fahe sira nia esperiensia sira, liuliu servisu uma laran nian, no familia balun ne’ebé mak durante ne’e, iha uma laran sempre mosu violénsia iha uma laran.

Ekipa Fokupers foto hamutuk ho Partisipantes sira

Hafoin de remata diskusaun ne’e, Partisipante  sira agradese ba Fokupers ne’ebé fasilita ona diskusaun iha sira nia suku, no sira  sei fahe tutan esperiensia hirak ne’e di’ak liu tan iha sira nia moris loron-loron nian”

“Obrigado barak ba Fokupers bele esforsu to’o ona mai ami nia suku hodi bele fahe buat ne’ebé ita bo’ot sira hatene ba ami, liu-liu fahe kona-ba igualdade no tipu hósi violensia sira”

Diskusaun ne’e, partisipantes hamutuk 24, feto 12 no Mane 12.

Atividade ne’e, hetan apoiu fundus husi Misereor.