Fokupers Organiza Talk Show iha Radio Komunidade Cova Taroman

Talk Show iha Radio Cova Taroman

Covalima, 13 Jullu 2024 : Fokupers organiza Talk Show kona-ba oinsa atu promove  feto vulneravel sira nia mudansa moris, liu husi atividade ida ho naran Rai no Impresta ka S4T (Saving for Transformation), iha Radio Cova Taroman.

Objetivu talkshow ne’e, benefisiariu  rasik  esklarese sira nia movimentu ka involve iha grupu refere hodi halo mudansa sira nian moris antes no depois. Liu husi talkshow ida ne’e mós, atu habrani sira nia-aan hodi foti desizaun ba sira nia-aan rasik  iha familia, komunidade  no sosiedade.

Iha 2022 Fokupers kria kooperasaun foun ho FEEO no World Vision Timor-Leste estabelese konsórsiu foun ho naran POWER (Promotion of women Economic Empowerment and Right  ou iha tetun Promosaun Feto liu husi Haforsa Ekonomia no Direitu,  nu’udar meius advokasia hodi empodera no apoiu feto sira nia partisipasaun.

Atividade advokasia ida ne’e sei foku liu ba grupu vulneravel sira husi munucipiu rua mak hanesan municipiu Covalima no Oe-cusse. Ho durasaun atividade ba tinan tolu (3) hahu husi setembru 2023 no setembru 2026.

Fokupers halo ninia intervensaun servisu iha nivel advokasi hahú husi nivel rejional to’o nivelnasional hodi influensia parte relevantes ou ema ne’ebé  foti dezisaun sira atu bele toma konsiderasaun nomós tau atensaun ba asuntu empoderamentu ekonomia feto sai hanesan sira nia ajenda prioridade.

Foto hamutuk entre Xefe Grupu Hafanu no laran Metin, Fokupers, World Vision no Jestór Radio Cova Taroman

Talkshow ne’e, Oradóra mai husi reprezentante Fokupers, Sra. Noela Beatriz da Silva Freitas, hanesan Programa Ofisial, no Sra. Ferdiana hanesan feto ida ne’ebé susesu iha programa rai no impresta.

Programa TalkShow ne’e, hetan apoiu Fundus husi Uniaun Europeia, Fokupers mós kria  kooperasaun  ho FEEO no World Vision Timor-Leste. Enkuantu, realiza Talk Show ne’e mós Fokupers servisu hamutuk ho Radio Komunidade Cova Taroman.