Dili, 14 Juñu 2024; Fokupers hala’o serimonia Termus de entrega (Hand Over) ba Diretóra sesante mandatu tinan 3 (2021-2023) nian, no Sra. Domingas Afonso Amaral, mak aktúal Diretóra Ezekutiva, hodi kontinua lidera Fokupers, ba mandatu tinan 3 (2024-2027).

Iha Ambitu serimonia hand over, Prezidente Konsellu Kuradór, Sra. Maria Domingas Fernandes Alves, hateten, Fokupers organizasaun ida ne’ebé hahú tempu uluk, nia objetivu klaru no nia la’os sobre sai iha media, maibé nia halo nia knár. Fokupers iha diferensa uituan ho organizasaun sira seluk, la foti-aan, maibé haraik-aan presija tebes ema hotu nia tulun, tanba nia apoiu fó ba ema ne’ebé vulneravél liu.

Prezidente Konsellu Kuradór, realsa, Fokupers sei kontinua nafatin luta ba Igualdade nomós atu servisu fó apoiu ba ema vitima ne’ebé hetan violénsia bajeia ba jéneru, liu-liu violénsia doméstika.

“Ba NGO la’os ita halo tomada de posse maibé ita halo entrega servisu ba relatóriu, estatutu no dokumentus hotu husi Diretóra sesante ba Diretóra Foun. Hau hein katak, ita hotu sei fó apoiu ba Diretóra foun ne’ebé atu servisu, servisu hamutuk ho nia, nomós ita fó rekoñesimentu no gratidaun ba diretóra sesante, ita deseija katak, nia bele hetan servisu di’ak no iha fatin foun no nia bele dezenvolve di’ak liu tan.”dehan, Prezidente Konsellu Kuradór, Sra. Maria Domingas Fernandes Alves.

maka’as ba asuntu VBJ nomós atu empodera feto, hanoin tempu ida empodera fila-fali ema seluk, atu bele tur iha knár importante sira hanesan ne’e, tanba ne’e parte ida husi kadernizasaun ne’ebé durante ne’e Fokupers kompremete atu halo iha servisu sira, entaun kadernizasaun ida ne’e mak ohin to’o duni nia tempu.

“Hau nia gratidaun ba membru sira nomós konsellu ne’ebé durante ne’e fó hau oportunidade, espasu atu bele lori organizasaun tuan ida ne’e. Agradese ba ekipa Fokupers tomak, ne’ebé servisu ekipa durante ita lao hamutuk alkansa mehi boot sira ne’ebé ita iha, hau hanoin ne’e laos esforsu hau mesak, sé wainhira ita boot sira la kontribui buat sira ne’e hotu, tantu ba iha kestaun seguransa nian, hijiene iha organizasaun.” Agradese Diretóra sesante.

Fatin hanesan Diretóra Ezekutiva Foun, Domingas Afonso Amaral, dehan, konfiansa ne’ebé fundador Fokupers sira atribui ba nia, nune’e nia kompremitidu atu lori Fokupers ba oin liuliu atu nafatin asisténsia ne’ebé integradu ba feto no labarik feto ne’ebé vitíma ba violénsia bazeia ba jenéru, nomós husi hand-over ne’e diretóra sesante mós entrega dokumentu balun ne’ebé nia sei uza hanesan baze legál hodi bele hala’o ninia servisu durante mandatu ne’ebé atribui ba nia,

“Ho konfiansa ne’ebé hau hetan husi Fokupers, hau sei kontinua halo servisu ne’ebé Fokupers iha, liu-liu Planu Estratejiku ba tinan 5 nian ne’ebé iha, hau sei kontinua nafatin halo intervensaun ne’ebé iha, liuhusi, nivel individu, komunidade no autór foti desizaun sira.”Tenik, Aktúal Diretóra Ezekutiva.

Serimonia entrega servisu husi Diretóra sesante ba Diretóra Foun