Dili, 31 Maiu 2024: Fokupers hamutuk ho Sekretaria Estadu Iguladade Jéneru (SEI), realiza Meza redonda hala’o diskusaun ba Implementasaun Orsamentu Jeral Estadu (OJE) ba planu asaun violénsia bazeia ba jéneru, ho tema “Reforma servisu integradu Violénsia Bajeia ba Jéneru (VBJ), asegura implementasaun komprimisiu jéneru liuhusi alokasaun Orsamentu Sensivel ba Jéneru (OSJ) iha OJE 2025”. Atividade ne’e hala’o iha Hotel Timor.

Objetivu husi diskusaun ne’e mak, atu diskute importansia servisu apoiu integradu ba sobrevivente violénsia bazeia ba jeneru ne'ebé durante ne'e fornese ona husi organizasaun fornsedór servisu sira no ninia dezafiu sira atu atinji objetivu sira PAN-VBJ espesifikamante Pilar (2): Provizaun serbisu esensial ba feto no labarik-feto ne'ebé esperiensia violensia), nune' e mós PAN ba Labarik hodi asegura implementasaun Rekomendasaun CEDAW, CRC no Komprimisu Jéneru sira. Atu Examina dezafiu sira iha kada ministeriu xave hodi asegura komprirnisu jeneru sira iha sikulu orsamentu ba apoiu grupu sobrevivente/ vulneravel sira atu hatan ba objetivu sira PAN-VBJ espesifikamante Pilar (2): Provizaun serbisu esensial ba feto no labarik-feto ne'ebé esperiensia violénsia PAN ba Labarik hodi asegura resposta ba Rekomendasaun CEDAW no Komprimisu Jeneru. No dezefia estratejia atu reforsa mekanizmu kooperasaun no kolaborasaun hodi asegura implementasaun no servisu sira apoiu integradu ba feto no labarik-feto ne'ebe hasoru esperiensia violensia bazeia ba Jéneru, mellora servisu koordenasaun hodi asegura implementasaun komprimisu jeneru iha ministerium xave sira hodi hadi'a no haforsa ekonomia sobrevivente no feto vulneravel sira nian ne'ebé seikontribui ba ekonomia rai- laran.

Sua Exelénsia Sekretária Estadu ba Igualdade, Sra. Elvina Sousa Carvalho, hateten, VBJ liuliu Violénsia Doméstika, Violénsia Seksuál nu’udar forma violénsia ne’ebé komun iha Timor-Leste no hamosu konsekuénsia todan ba feto nia fíziku, mentál, saúde seksuál, saúde reprodutiva no ekonomia. Presiza ema hotu nia intervensaun ne’ebé foka ba hasai abut hosi violénsia liuhusi transforma normas sosiál no prátika sira ne’ebé reforsa dezigualdade entre feto no mane liuhusi revizaun ba lei no polítika sira, no hamosu programa no alokasaun orsamentu ba implementasaun kompromisu nasionál no internasionál sira ba Igualdade jéneru.

Sekretária Estadu mós haktuir, hela tinan neen (6) de’it atu tama ba tinan 2030, maibé mehi atu liberta feto no labarik-feto sira husi violénsia no diskriminasaun sei sai dezafiu ba ema hotu-hotu.

“Feto sira sei hetan diskriminasaun no violénsia iha sira-nia uma-laran no iha públika, sei iha toleránsia no justifikasaun ba hamosu violénsia sira hasoru feto no labarik-feto, sei iha limitasaun ba komprensaun atu prevene violénsia, limitasaun keixa kazu violénsia sira tanba distánsia ne’ebé dook husi tribunál sira, limitasaun ba transporte públika, limitasaun akomodasaun no orsamentu, infraestrutura ne’ebé la sensivel ba feto no ema ho defisiénsia sira, nomós kapasidade institusionál no investimentu ba prevensaun ne’ebé sei ki’ik husi liña ministériu sira”, dehan, SEI iha Ambitu abertura ba Diskusaun Meza Redonda.

Nia mós informa, liuhusi eventu ne’e, bolu ita hotu nia atensaun liuliu Liña Ministériu sira, Parseiru Dezenvolvimentu sira, Organizasaun Sosiedade Sivil atu servisu maka’as liután ba mudansa sira liuhusi hasa’e investimentu ba Kombate VBJ no Promove Igualdade Jéneru.

Iha fatin hanesan, Diretóra Exekutiva Fokupers, Sra. Maria Fátima P. Guterres, haktuir, dadaun iha ona siklu ho OJE tanba ne’e mak Fokupers hamutuk SEI hodi raliza meza redonda atu bele asegura implemensaun ba kumprimisiu jéneru sira.

“Iha objetivu tolu, mak dudu ita atu realiza atividade ne’e, liu-liu atividade ida ne’e mak primeiru atu asegura implementasaun ba kumprimisiu jeneru sira, mak iha planu asaun nasional direitu bazeia ba jeneru, palnu asaun nasional 13 i 25 no sido Ne’e rasik”, Dehan, Diretóra Fokupers.

Nia Esplika, Dadaun ne’e iha ona siklu ho OJE ninian no tama ona iha sikulu planeamentu tanba ne’e , atu la tarde mak sira realiza meza redonda diskusaun refere, hamutuk ho entidades sira husi liñas ministeriais sira ne’ebé sai hanesan autór prinsipal ba implementasaun kumprimisiu jéneru nian, atu bele konsidera sira nia planu importante sira ne’ebé mak deskreve ona iha kumprimisiu hodi bele aloka orsamentu.

Nia haforsa, mekanismu ba operasaun entre parseru sira, organização implementador sira no mós ministério implementador sira hodi bele responde ba asuntu VBJ ninian nomós ba prosesu re-integração ninian kona-ba oinsa bele hare’e fila-fali ba kestaun empoderamentu sobrevivente ninian.

Atividade diskusaun ne’e, hetan partisipasaun husi Ministeriu Saude, SEFOPE, Ministeriu Interior, Ministeriu Obras Publikas, Gabinete Apoiu Sosiedade Sivil, IADE. Ajensia Internasional mak, World Vision Timor-Leste, OXFAM, Nabilan TAF, Yayasan Humanis, Care Internasional, Embaixada Australia, Reprezentante Embaixadór União Europeia iha Timor-Leste, UN Women. Husi Sosiedade Sivil mak, JSMP, RHTO, FONGTIL, Rede Feto, ALFeLa, ACbit no seluk tan.

Fokupers Hamutuk ho SEI Realiza Diskusaun Meza Redonda